Woh Jiski Deed Mein

Name: Woh Jiski Deed Mein
Album: Faiz By Abida Parveen
Duration: 7:24
Written By: Faiz Ahmed Faiz

Download Link: http://www.mediafire.com/?ogaop49rtyd

Complete Lyrics:

Woh jis ki deed mein lakhoN massarateiN pinhaN
Woh jis ki deed mein lakhoN massarateiN pinhaN
Woh husn jis ki tamana mein jan'nateiN pinhaN
Woh jis ki deed mein lakhoN massarateiN pinhaN

Hazar fitne tah-e-paa-e-naaz, khak nasheeN
Hazar fitne tah-e-paa-e-naaz, khak nasheeN
Her ik nigah khumaar-e-shabab se rangeeN
Woh jis ki deed mein lakhoN massarateiN pinhaN

Shabab jis se takhayyul pe bijjlliaN barseyN
Shabab jis se takhayyul pe bijjlliaN barseyN
Waqar, jis ki rafaqat ko shoukhiaN tarseyN

Ada-e-laghzish-e-paa per qayamateiN qurbaN
Bayaaz-e-rukh pe seher ki sabahateiN qurbaN
Woh jis ki deed mein lakhoN massarateiN pinhaN

Siyah zulfoN mein varafta nik'hatoN ka hujoom
Taveel raatoN ki khwabeeda rahatoN ka hujoom
Woh jis ki deed mein lakhoN massarateiN pinhaN

Woh aankh jis key banaao pey khaliq itraaye
Woh aankh jis key banaao pey khaliq itraaye
Zaban-e-sher ko tareef kertey sharm aaye
Woh jis ki deed mein lakhoN massarateiN pinhaN

Gudaz jism, qabaa jis pe saj key naaz karey
Gudaz jism, qabaa jis pe saj key naaz karey
Daraz qad jise sarv-e-sahi namaz karey
Daraz qad jise sarv-e-sahi namaz karey
Woh jis ki deed mein lakhoN massarateiN pinhaN

Kisi zamane mein is rahguzar se guzra tha
Kisi zamane mein is rahguzar se guzra tha
Basad ghurror-o-tajamul, idher se guzra tha
Basad ghurror-o-tajamul, idher se guzra tha
Woh jis ki deed mein lakhoN massarateiN pinhaN

Aur ab yeh rahguzar bhi hai dil-fareb-o-haseeN
Aur ab yeh rahguzar bhi hai dil-fareb-o-haseeN
Hai us ki khak mein kaif-e-sharab-o-sher makeeN
Hawa mein Shoukhi-e-rafta ki adaeiN haiN
Hawa mein Shoukhi-e-rafta ki adaeiN haiN
Faza mein narmi-e-guftaar ki sadaeiN haiN

Woh jis ki deed mein lakhoN massarateiN pinhaN
Woh husn jis ki tamana mein jan'nateiN pinhaN